ادخل واقراها بسرعة ضرورية

anosh · 02-07-2010, 05:03 PM

السلام عليكم ورحمة الله وبركاتة
انا عندى طلب منكم ياريت اى بنت فى هذا المنتدى تكتبلى وتقولى اية هى اهم العوائق التى تواجة الفتاة المسلمة
ضرووووووووووووووورى علشان انا محتاجة الكلام دا
اى مشاكل تواجة الفتاة المسلمة فى هذا العصر
وجزاكم الله خيرا

CARNIVAL · 02-20-2010, 07:05 PM

بجد الموضوع مهم جدا
وميرسى ليكى الموضوع مهم اوى فى حياه كل بنت مسلمة
انا او غيرى من صحابى واخاتى بتواجهنا مشكلة واحدة وهى اكبر مشكلة بشكل عام او بصفة خاصة عاوزة اقولك يا anosh ان المعاكسة بجد حاجة صعبة جدا
ويا ريت كلنا نقول رأينا فى موضوع المعاكسة عاوزة اقولك كمان ان الشباب اللى بتعاكس دى بقيت كتير اوى ومعاكسة قبيحة اوى اوى
وكمان اللبس تانى مشكلة بواجه معظم البنات الاسواق فيها شووية لبس نازل بجد يعنى اقول ايه مش عارفة واكيد انتى عارفة اللبس فى المحلات عامل ازاى
ميرسى ليك يا انوش وبجد بشكرك على مواضيعك الجميلة

anosh · 02-20-2010, 09:25 PM

انا متشكرة جدا يا كرنفال على مرورك بموضوعى
اولا انا متوافقة معاكى فى حكاية المعاكسات التى بتحصل فى الشوارع انا بس عاوزة افهم حاجة هما الاولاد الى بيعاكسوا دول مش ليهم اخوات بنات وميعرفوش ان ربنا قال كما تدين تدان يعنى الى هما بيعملوه فى بنات الناس هيحصل ليهم كدة كدة سواء لاختهم او مراته فى المستقبل او اولادة وعاوزة اعرف برضة هما بيستفيدوا اية من المعاكسةغير ارتكاب الذنوب
انا كنت بقول زمااااان ان البنت هى السبب لان لبسها ممكن يكون مغرى للولد فيعاكسها لكن بعد الى حصل قدام عينايا والى شفتة ان فى مرةكنت ماشية وفى واحدة قدامى لابسة عباية محترمة جدا ولقيت واحد معندوش اى نظر برضة بيعاكسها قلت فى نفسى طب لية هو بيعاكسها مع انها محترمة انا عاوزة كل ولد فى المنتدى يقولى انتوا بتعاكسوا البنات دى لية
ثانى حاجة ياكرنفال على الى قولتة على الى انتى قولتية هوموضوع البس انا بجدمعنتش بلاقى اى لبس محترم خاااااااااااااالص فى الاسواق فما هو السبب؟؟؟؟؟؟؟
لو جينا نرى من بعيد هنلاقى ان كل الموضةجاية من بلاد برة الى هما اصلا عاوزين يبوظوا دينا باى طريقة علشان كدة بينزلوا هذة الصيحات والمصممين كل شغلهم انهم يقلدوا وبس مالهومش دعوة بقى هل هذا يمس ديننا او هل هذا البس هو الزى الاسلامى اسئلة كتيرة اوى محيرانى ومش لاقية ليها رد
مين هو المستفيد من دا كلة؟؟؟؟؟؟؟
ياريت كل واحدة عندها مشكلة تقولها واحنا ممكن نحلها

CARNIVAL · 02-23-2010, 01:17 AM

ميرسى يا انوش على ردك على رأى
واهتمامك بالردود المستمرة وياريت فعلا الشباب يشاركونا فى الرأى حتى لو مش بيعكسوا مثلا الله اعلم
اكيد فى منهم المحترم واكيد اللى بيعاكس فياريت الكل يشارك بأرائه ديما
وبأذن الله لما اكون فى مشكلة يا انوش احب اقولها لك ونتبادل فى الاراء ميرسى ليكى يا انوش المنتدى

anosh · 02-25-2010, 11:18 AM

ياريت كل واحد فى المنتدى مش يقرا الموضوع ويقفلة لا لازم يقول راية زى كرنفال
الف شكر ليكى يا كرنفال